Nuk dihet se si e ka administruar bariu tufën më pas.

Një ngjarje e pazakontë ka ndodhur në zonën Magnezia të Greqisë ku një tufë delesh ka konsumuar një sasi të konsiderueshme kanabis sativa.

Bariu i tyre u befasuar nga sjellja e deleve pak pasi i kishte nxjerrë për të kullotur në një zonë të Magnezizë.

Sipas mediave greke, menjëherë pas fatkeqësisë natyrore që goditi zonën më të gjerë të Thesalisë ku kullotat janë shkatërruar, një tufë delesh “pushtoi” një serë jashtë Almyros Volos, ku rritet kanabisi mjekësor.

Ato konsumuan një sasi të madhe të bimës narkotike që sipas pronarit jan╒ më shumë se 100 kilogram.

Pronari nuk u besonte syve kur zbuloi se prodhimi i tij pësoi dëme si nga moti keq, por edhe nga kafshët që e konsumuan.

“Nuk e di nëse është për të qeshur apo për të qarë. Pas gjithë kësaj përmbytjeje, një tufë delesh, të cilat nuk di si t’i kthej, hyri në serë dhe filloi të hante atë që kishte mbetur. Nuk di çfarë të them, sinqerisht”, thotë pronari i bimës së licencuar të kanabis.