BRITANI E MADHE- Rezultatet e njè testi ADN-je e vendosën regjisorin Luke Davies në një udhëtim tre-vjeçar për të zbuluar identitetin e tij të vërtetë, raportojnë mediat e huaja. I rritur në Rochdale, Luke Davies gjithmonë ndihej ndryshe në një farë mënyre.
“Kur fillova të kuptoja se isha homoseksual, mendova se ndoshta ky ishte problemi,” -kujton ai.
Gjatë gjithë jetës së tij, njerëzit kishin vërejtur pamjen fizike të Lukës. Luke kujton se kishte shkuar për një intervistë pune, ku një menaxher punësimi "i veçoi" disa kategori: të qenit i klasës punëtore, homoseksual dhe raca e përzier. Luke u rrit nga dy prindër të bardhë britanikë dhe kështu momente të tilla do ta linin atë të ndihej konfuz. Përfundimisht, Luke mendoi se një test i ADN-së mund t’i përgjigjet disa prej pyetjeve të tij në lidhje me pamjen e tij. Në janar 2019, Luke bëri një test të ADN-së – dhe "jeta e tij ndryshoi".
Gjatë tre viteve të ardhshme gjithçka që ai dinte për veten dhe familjen e tij do të ndryshonte plotësisht. Testi i ADN-së zbuloi se babai i tij biologjik ishte afrikano-perëndimor dhe portugez, që do të thotë se njeriu që Luke e kishte thirrur baba gjatë gjithë jetës së tij, Gary nuk ishte babai i tij biologjik. Ndërsa rezultatet e ndihmuan Lukën të kuptonte pse shpesh ndihej si i huaj, ato ngritën pyetje të reja për të. Luke zhvilloi një bisedë me nënën etij, ku zbuloi se Liz kishte qenë në një udhëtim në Portugali, ku kishte kaluar një romancë pushimi me një banakier të quajtur Carlos.
Luke vendosi se duhej të gjente babanë e tij biologjik, por ai kishte disa rezerva. Duke përdorur një bazë të dhënash në internet me më shumë se 23 milionë njerëz që kishin bërë gjithashtu teste të ADN-së, së bashku me të dhënat e tjera, Luke punoi me gjenealogen Laura House për të identifikuar gjyshin e tij biologjik dhe një të afërm tjetër të ngushtë. Pas rezultateve ai shkoi në Portugali për të vazhduar kërkimin e tij dhe pasi mësoi vendodhjen e Carlos, iu nënshtrua një testi tjetër.
Kërkimet morrën fund dhe Carlos ishte babi biologjik i tij. Në pamjet e publikuara Carlos shihet i emocionuar për të takuar Lukën dhe për ta prezantuar atë me dy djemtë e tij të tjerë.