Glagow, 10 mars, NOA  – Tre azilkërkuesit që bënë vetëvrasje duke u hedhur nga një ndërtesë 15 katshe, në Skoci, për të cilët në fillim u njoftua se ishin nga Kosova, pas hetimeve që bëri policia britanike, rezultoi se ishin rusë. Lajmi behët i ditur nga gazeta britanike “Mail Online”.

Bruksel, 10 mars NOA – “Heqja e regjimit të vizave dhe tregtia e lirë janë elementë të rëndësishëm në duart e politikës evropiane për të çuar përpara reformat në Ballkan”.

Kjo është deklarata e një prej zyrtarëve më të lartë të Bashkimit Europian, Catherinë Ashton, e cila në një fjalim në Parlamentin Europian, ka theksuar nevojën e integrimit të rajonit të Ballkanit në Bashkimin Europian.

Shkup, 10 mars, NOA - Bashkësia ndërkombëtare është e shqetësuar lidhur me projektet dhe frymën e vazhdueshme nacionaliste të kampit qeveritar maqedonas të drejtuar nga VMRO-DPMNE, që po nxit tensione dhe padurueshmëri ndëretnike me projektin "Shkupi 2014". Në një vijë të tillë janë edhe analistët politikë shqiptarë dhe maqedonas. Autoritetet qeveritare akoma nuk kanë treguar transparencë edhe lidhur me hetimet e plota për dhunën e ushtruar në sheshin e Shkupit fundjavën e kaluar nga tifozët “Komitët” të klubit të futbollit “Vardar”, të cilët udhëhiqen nga një lider partie minore ultranacionaliste maqedonase, e cila është pjesë e koalicionit qeveritar.

Strasburg, 9 mars NOA - Bashkimi Evropian nuk përkrah formimin e shteteve të reja në Ballkan, i tha Radios Evropa e Lirë, Komisioneri për Zgjerim dhe Politikë të Jashtme, Stefan Fule.

Fule tha se BE-ja është e gatshme për një qasje të re ndaj Bosnjë e Hercegovinës, qëllimi i së cilit është lidhja e fortë e këtij vendi me Bashkimin Evropian.

Shkup, 9 mars, NOA – Eshtë e pakuptimtë të kërkohet strehim politik për arsye ekonomike dhe prandaj Belgjika nuk do të lejojë asnjë rast azilimi nga Maqedonia, ashtu siç është kërkuar. Ky ka qenë reagimi i kryeministri belg, Iv Leterme, në Shkup lidhur me çështjen e azilkërkuesve nga Maqedonia të cilët janë shtuar shumë javët e fundit, menjëherë pas heqjes së regjimit Shengen nga Bashkimi Evropian me këtë vend ballkanik.

Athinë, 8 mars, NOA - Pavarësisht deklaratave të ardhura nga liderët e vendeve të Bashkimit Europian për ndihmë ekonomike ndaj Greqisë, situata në vendin fqinj nuk paraqitet e qetë.

Glasgou, 8 mars, NOA – Qarkulloi lajmi se ata ishin tre kosovarë që jetonin në Glasgou të Skocisë dhe se u hodhën nga ballkoni pasi autoritetet nuk u dhanë përgjigje pozitive për kërkesën e paraqitur prej tyre për azil. Por në fakt, duket se nuk ka qenë aspak kështu, pasi tre personat që bënë vetëvrasje në Skoci, nuk janë kosovarë. Këtë e konfirmoi sot ambasadori i Kosovës në Londër, Muhamet Hamiti.

Shkup, 8 mars, NOA - Mbërritja e planifikuar për sot pasdite e e kryeministrit belg Yl Leterme dhe delegacionit të lartë qeveritar në Maqedoni, është shtyrë për disa orë, për shkak të kushteve të këqija të kohës në Maqedoni. Avioni i delegacionit qeveritar belg, në mungesë të kushteve për aterim në aeroportin e Shkupit, është nisur në drejtim të Greqisë, ku siç bëhet e ditur është bërë ulja e përkohshme në aeroportin e Selanikut.

Shkup, 8 mars, NOA – Kërkesa të izoluara, i ka cilësuar ministri i Jashtëm maqedonas, Antonio Milloshoski, ato të paraqitura për azil politik në Belgjikë së fundmi nga shumë shtetas maqedonas. “Kërkesat e izoluara individuale dhe grupore për azil nga ana e qytetarëve të Maqedonisë në vendet e Bashkimit Evropian shpejtë mund të tejkalohen”, - tha në Sarajevë shefi i diplomacisë së Maqedonisë, Antonio Milososki pas takimit me kolegun e tij boshnjak Sven Alkalaj.