Rimini, 9 mars, NOA – Djali i tij, Aleksandër Litivenko, një ish-agjent i KGB-së ruse u helmua me lëndë radioaktive në vitin 2006 dhe e gjithë bota e mori vesh lajmin rreth tij. Por sot ai ndihet i kërcënuar edhe vetë me jetën dhe e ka shfaqur atë gjatë një interviste të dhënë për mediat. Bëhet fjalë për të atin e agjentit të helmuar, Valter Litivenko, i cili jeton në Itali dhe me frikë, pohon se aty nuk e ka aspak jetën të sigurt.

Porto Prince, 9 mars, NOA – Haitianët duhet të mësohen ta nxjerrin vetë bukën e tyre dhe jo të krijojnë varësi nga ndihmat që u vijnë nga jashtë, megjithëse ata u goditën nga një katastrofë e madhe, siç ishte ajo e tërmetit dy muaj më parë, ku humbën jetën më shumë se 220.000 njerëz. Një fakt të tillë e ka deklaruar vetë kreu i shtetit të Haitit. Gati dy muaj pas tërmetit  shkatërrimtar në Haiti, Presidenti Rene Preval ka arritur në një pikë që t'i kthejë ndihmat ndërkombëtare me ushqime për viktimat.

Amsterdam, 8 mars, NOA – Të transportosh eksploziv me avion është më e lehtë sesa duket. Këtë gjë e ka demonstruar një gazetar holandeze, i cilia ka hipur në bordin e një avioni me një sasi të madhe ekspozivi në trup.

New York, 8 mars, NOA  – Një komandant i policisë në New York është në ndjekje penale sepse ka detyruar policët që të bëjnë arrestime më shumë sesa duhet. E thënë më thjesht, shefi i policisë u ka dhënë plan pune policëve për të arrestua një numër të caktuar personash, pavarësisht nëse kanë qenë fajtor apo jo.

Jos, 8 mars, NOA - Policia ne Nigeri thotë se ka rivendosur rendin në tre fshatra të cilët ishin në qendër të dhunës më të fundit, nga ushtrimi i së cilës u vranë qindra vetë në Nigerinë Qendrore. Kështu, qindra burra, gra dhe fëmijë janë vrarë në fshatrat e Dogo-Nahaëa, Fan, dhe Zot në jug të rajonit Jos për shkak të kundërvënieve fetare mes zonave, duke shkaktuar familje të tëra që ishin rrahur për vdekje me shpata.

Uashington, 8 mars, NOA – Kriza financiare që ka shpërthyer në Greqi, duket se e ka nisur kryeministrin grek Jorgos Papandreu drejt Shtëpisë së Bardhë, ku pritet të zhvillojë një takim ditën e nesërme me presidentin amerikan, Barak Obama. Bëhet me dijeni se pikërisht, çështja e ekonomisë do të jetë në qendër të takimit mes dy personaliteteve të larta. Lajmin e ka bërë të ditur për gazetarët zëdhënësi i Shtëpisë së Bardhë, përmes një bisede telefonike të zhvilluar nga bordi i “Air Force One”.

Berlin, 8 mars, NOA - Ministrja gjermane e Drejtësisë, Sabine Leutheusser-Schnarrenberger e ka akuzuar Vatikanin se po pengon shqyrtimin e skandaleve të keqtrajtimit seksual në institucionet katolike.

Ankara, 8 mars, NOA – Edhe Turqia është tronditur nga një tërmet, i cili ka shkaktuar viktima dhe mjaft të lënduar. Sipas të dhënave sizmologjike që mbërrijnë nga ky vend, bëhet fjalë për një tërmet që ra në lindje të Turqisë në të cilin kanë humbur jetën të paktën 38 njerëz. Lëkundjet e tokës kanë ndodhur në mëngjes herët me një fuqi prej 6 shkallë Rihter. Epiqendra e tij ndodhej në afërsi të qytetit Karakoçan në lindje të provincës Elazig dhe mjaft shtëpi janë shembur.