Capodrise, Itali, 8 Mars NOA – Një valë kontrollesh e kryer gjatë natës duke gdhirë dita e diel, përfundoi me arrestimin e katër të rinjve, dy shqiptarë dhe dy rumune që akuzohen për rrjet prostitucioni. Dy djemtë akuzohen se kanë shfrytëzuar femra si prostitua, informon korrespondenti i NOA duke cituar burime zyrtare të policisë lokale kurse dy vajzat u arrestuan se prostituonin në mjedise publike, e ndaluar me ligj në Itali.

Operacioni u zhvillua në lokalitetin Capodrise nga Komisariati i Marcianise duke kryer kontrolle të befasishme dhe të njëkohshme në disa shtëpi dhe mjedise publike të kësaj zone.

Rodos, 6 Mars NOA – Plot 15 shqiptarë kanë sulmuar një banesë në ishullin grek Rodos duke plagosur rëndë dy djem gjithashtu shqiptarë të cilët ndanin qeranë duke punuar dhe jetuar si emigrantë. Ngjarja e rëndë që ka shokuar opinion publik vendas, ka ndodhur në orët e vona të mbrëmjes së djeshme, informon korrespondenti i agjencisë NOA.

Referuar burimeve policore për agjencinë NOA, bëhet e ditur se ngjarja ndodhi në zonën e Afandu, ku kohët e fundit konstatohen ngjarje të shpeshta kriminale me protagonistë shqiptarë.

Rreth orës 12.30 pas mesnate, në shtëpinë ku jetojnë dy emigrantë nga Shqipëria, futen fillimisht duke thyer derën kryesore, tre djem shqiptarë.

Tiranë, 6 mars, NOA – Mesazhet serbe antishqiptare “Kosova është Serbi”, të shoqëruara me flamurin serb në sfond, janë shfaqur dje sërish në faqen zyrtare online të Presidencës shqiptare. E këtë radhë, jo në mënyrë të dhunshme siç ndodhi pak ditë më parë nga hakerat serbë të cilët e sulmuan sitin tonë institucionit presidencial, por çuditërisht dhe në një mënyrë të pashpjegueshme nga vetë stafi i Presidencës.

Tiranë, 5 mars, NOA/Rajmonda Lajthia – Kriza ekonomike greke  ka nisur të japë efektet e para negative tek bizneset shqiptare që punojnë me sipërmarrësit fqinjë. Ka rritje të çmimeve të produkteve, që importohen nga Greqia si dhe rënie të eksporteve drejt këtij vendi.

Ky fakt po nxjerr në pah vështirësinë e lidhjes së kontratave të reja me sipërmarrësit greke. Kreu i Dhomës së Tregtisë, Nikolin Jaka thotë se qeveria duhet të përshpejtojë miratimin e nismës për amnistinë fiskale, e cila mund të sjellë transferim kapitalesh nga Greqia drejt Shqipërisë.

Tiranë, 5 mars, NOA / Nga Milena Selimi - I pari përfaqësues i lartë i Eurimages-it (Fondi i Këshillit të Evropës për Kinematografinë Evropiane) që vjen në vendin tonë, Roberto Olla, ka shpjeguar në një seminar të organizuar mënyrën e aplikimit në këtë organizëm, kushtet që duhet të plotësojnë kineastët, limitet dhe marrëveshjet që duhen respektuar në paraqitjen e projekteve. "Ne dimë shumë pak rreth kinemasë shqiptare”, - u shpreh ai.

Kallamatë, 3 Mars NOA – Akt heroik është konsideruar nga banorët e Kallamatës në Greqi, ai i një emigranti shqiptar i cili është hedhur në ujërat e ftohta të detit për të shpëtuar një grua handikapate të cilën e flaku në det një person me luhatje mendore.

Ngjarja sikundër informon korrespondenti i agjencisë NOA, ka ndodhur në Kallamatë, pasditen e djeshme.

Një djalë rreth 30 vjeç, shtetas grek, banor i Kallamatës, në rrethana ende të paqarta, sapo ka parë një grua e cila po përpiqej të lëvizte buzë trotuarit që ndodhet pranë bregdetit në afërsi të portit të Panelinios, i është afruar dhe pa një pa dy, e ka flakur në det.

Nga Blerina Ahmetaj

Paskuqan, 2 mars, NOA - Është mëngjes, ora 8 e 30 minuta. Jemi në poliklinikën e re të specialiteteve në Paskuqan. Dera e mbyllur na tregon se në godinë nuk ka njeri. Prej disa muajsh, kjo godinë e poliklinikës së specialiteteve në komunën e Paskuqanit, pak kilometra larg Tiranës, nuk është vënë në funksionim për banorët edhe pse duhet të kishte nisur tashmë punën. Ndonëse kanë përfunduar të gjithë punimet dhe godina është brenda parametrave bashkëkohorë, brenda saj nuk ka as drita e as ujë.

Një dalje në det, jo për të gjitha shtetet është e arritshme ndaj Porti Detar i Durrësit, po shndërrohet këto ditë në një katapultë për të hyrë në Evropë, për shumë shtetas maqedonas të cilët duan të fitojnë azilin politik dhe besojnë se këtë do ta arrijnë në Mbretërinë e Belgjikës. Burime në portin e Durrësit, pikën e saj doganore, por edhe nga agjencitë turistike si dhe punonjës të trageteve që ndjekin linjat detare Durrës-Bari, tregojnë për agjencinë e lajmeve NOA, skemën e emigrimit me synimin azil politik.

Detajet e plota nga hetimi i Komisariatit nr 3 i Tiranës dhe dëshmitë e të shoqit dhe kunatës së të ndjerës

Tiranë, 1 Mars NOA Update – Një grua i dha fund jetës sonte në Tiranë, pasi u hodh nga apartamenti i saj në katin e pestë të një pallati të ri në rrugën “Don Bosko” në Tiranë.

Viktima është Shqipe Mustafa, 35 vjeçe, e martuar, nënë e një fëmije, djalë 3-vjeçar, i thanë NOA-s, burimet policore që i referohen të dhënave të para në vendin e ngjarjes.

Mësohet se 1 Marsi do të zbatohet si dita e lëvizjes “24 orë pa ne” edhe në shtete të tjera evropiane si Itali, Francë, Spanjë, Gjermani dhe Belgjikë, shtete ku jetojnë dhe punojnë prej vitesh disa qindra mijë emigrantë shqiptarë mes miliona të huajve që kanë lënë vendet e tyre, kryesisht për shkaqe ekonomiko-sociale

Athinë, 28 Shkurt NOA – Emigrantët shqiptarë dhe të kombësive të tjera që jetojnë në Greqi kanë vendosur t’i bashkohen nismës që nesër më 1 Mars të mos shpenzojnë as edhe një euro për 24 orë me radhë, në kuadër të nismës së emigrantëve “24 orë pa ne”.