Bruksel, 29 korrik, NOA – Kryeministri Sali
Berisha ka marrë sot mbështetjen e Belgjikës për integrimin e Shqipërisë në
Bashkimin Evropian.
Gjatë vizitës zyrtare që po zhvillon në Mbretërinë e Belgjikës, kryeministri shqiptar është pritur në një takim nga kryeministri i Belgjikës, Yves Leterme.
Kryeministri belg, Leterme pasi ka vlerësuar arritjet e Shqipërisë në rrugën drejt integrimit të vendit, ka theksuar për kryeministrin Berisha se e ardhmja e Shqipërisë është në Bashkimin Evropian.
Leterme mbështeti edhe kandidaturën e Shqipërisë për kryesimin e OSBE-së, në 2014-ën.
Në takimin mes dy kryeministrave, janë vlerësuar marrëdhëniet e shkëlqyera dhe bashkëpunimi reciprok ndërmjet Belgjikës dhe Shqipërisë.
Kryeministri Sali Berisha është takuar edhe me Presidentin e Dhomës së Përfaqësuesve, André Flahaut dhe zëvendëspresidentin e Senatit, Armand De Decker.
Pas takimit kryeministri Berisha sigloi firmën e tij edhe në librin e artë të Parlamentit të belgjikës.
Kryeministri Berisha gjatë vizitës në belgjikë do të pritet në një takim të veçantë edhe nga kryetari i Bashkisë së Brukselit, Freddy Thielemans.
Gjatë kësaj vizitë zyrtare njëditore, ishte në axhendë edhe nënshkrimi nga dy kryeministrat Berisha dhe Leterme, i marrëveshjes ndërmjet Mbretërisë së Belgjikës dhe Republikës së Shqipërisë, mbi transferimin e personave të dënuar.
mit/NOA| Komente |
|
