Vjenë, 29 Korrik, NOA – Organizata për Siguri
dhe Bashkëpunim në Evropë e ka vlerësuar si shqetësues rastin “Pango”, për të
cilin media Top-Channel është gjobitur nga organi gjyqësor me shumën e 400 mijë
eurove.
Ky shqetësim është ngritur prej OSBE-së në raportin e saj vjetor për lirinë e medias në shtetet anëtare, përfshirë edhe Shqipërinë, ku rasti i lartpërmendur citohet si precedent që tregon se mediat në vendin tonë janë të cunguara dhe të kufizuara.
Raporti u prezantua sot në Qendrën e Kongreseve në Vjenë nga përfaqësuesja e OSBE-së për lirinë e mediave, Dunja Mijatovic.
Ajo ka bërë publik rezultatet e monitorimit të lirisë së medias në 56 vende anëtare të OSBE-së, duke përcaktuar statusin që gëzon liria e medias brenda tyre, shoqëruar me sfidat në këtë drejtim.
Konkretisht, në pjesën ku Organizata për Siguri dhe Bashkëpunim në Evropë ka analizuar situatën e lirisë së medias në Shqipëri, Mijatovic përmendi rastin "Pango" dhe dënimin me gjobë 400.000 euro ndaj televizionit Top-Channel.
n.e/NOA
| Komente |
|
