Tiranë, 26 Gusht 2010 NOA – “Shqipëria është sot një vend që jo vetëm nuk eksporton pasiguri dhe krim, por jep një kontribut jashtëzakonisht të rëndësishëm në luftën kundër krimit të organizuar transkufitar, jep një kontribut jashtëzakonisht të rëndësishëm në luftën kundër trafiqeve ilegale, jep një kontribut jashtëzakonisht të rëndësishëm në implementimin e platformave dhe ligjeve pararojë, siç është dhe ligji për konfiskimin e aseteve kriminale”.

Tiranë, 26 Gusht 2010 NOA - PS ka vazhduar të kërkojë sqarim publik nga kryeministri, duke folur për ato që i cilëson afera korruptive, të bëra me firmën e Berishës.

Olta Xhaçka, deputete e PS, vlerësoi në një dalje për mediat para pak minutash se “nuk janë çudira që zgjasin vetëm tre ditë, por përkundrazi, çdo tre ditë del në pah një aferë e re korruptive”.

Tiranë, 26 Gusht 2010 NOA – “Kuvendi duhet të nisë punën pikërisht me zbatimin e Rezolutës së Parlamentit Europian,  e cila, shprehet qartë dhe pa asnjë ekuivok, për transparencën e zgjedhjeve të kaluara dhe hapjen e kutive”.

Kjo është kërkesa që vjen nga Partia Socialiste, përmes deputetes Eglantina Gjermeni e cila para pak çastesh doli në një deklaratë të shkurtër për mediat duke kërkuar që sesioni i ri i legjislaturës aktuale të Parlamentit shqiptar të nisë me hapjen e kutive.

Tiranë, 26 gusht, NOA – Interpretimi i rezolutës së Parlamentit Europian nga ana e Partisë Socialiste, si një detyrim për të hapur kutitë e votimit është një lexim i gabuar. Ky është vlerësimi që ka bërë sot në një konferencë për mediat Sekretari i Përgjithshëm i LSI-së, Luan Rama.

“Kam përshtypjen që në atë mënyrë se si është shfaqur lidershipi socialist, dëshmon se e ka lexuar së prapthi rezolutën dhe kërkon të përligj në fund të fundit dështimin e të gjithë aksionit politik që ajo ndërtoi mbi atë që të gjithë tashmë e njohin si transparencë e zgjedhjeve”, u shpreh Rama.

Tiranë, 25 gusht, NOA - Kryetarja e Kuvendit të Shqipërisë, Jozefina Topalli priti sot delegacionin e Fondacionit hollandez “Eduardo Frei”, një fondacion i  Partisë Kristiandemokrate, të kryesuar nga Bart van Winsen.

Kreu i Fondacionit Winsen vlerësoi transformimet e mëdha të Shqipërisë, të njohura tashmë në mbarë botën përmes studimeve më të fundit, ku ai iu referua studimit të prestigjiozes mediatike Newsweek, apo raporteve globale ekonomike dhe të biznesit.

Tiranë, 25 gusht, NOA – Kryeministri Sali Berisha ka marrë sot vlerësimet e Fondacionit holandez “Eduardo Frei”, i Partisë Kristiandemokrate, i kryesuar nga Bart van Winsen mbi studimin më të fundit të Newsweek, i cili e renditi Shqipërinë në vendin e 57-të, ndër 100 vendet e përzgjedhura, si më të mirat për të jetuar.

Mandej kryeministri Berisha, bëri një panoramë të shkurtër të ndryshimeve të mëdha që kanë ndodhur në Shqipëri, veçanërisht në vitet e fundit, arritje këto, që për shefin e qeverisë erdhën si rezultat i përpjekjeve të mëdha, që kanë bërë shqiptarët, reformave të gjithanshme të ndërmarra nga qeveria.

Tiranë, 25 gusht, NOA – “Shpifjet në drejtimin tim dhe familjes sime po vijnë vetëm si pasojë e denoncimeve publike të korrupsionit të Edvin Kristaq Ramës, gjë që do të vazhdoj ta bëj edhe në ditët në vijim”.

Kështu deklaroi në një konferencë për shtyp, këtë pasdite deputetja e Partisë Demokratike, Albana Vokshi, e cila nënvizoi për mediat se “Frika, Zotit 20%, i ka errësuar jo vetëm sytë por edhe mendjen dhe logjikën”.

Tiranë, 25 gusht, NOA –Deputeti i Partisë Demokratike Edi Paloka i kërkoi kryebashkiakut Edi Rama të bëjë publikë emrat e partnerëve të tij gjatë 12 viteve të fundit, të bëjë transparencën e pasurisë së vendosur në emër të tyre, e të mos fshihet në kutinë e Leprit.

Selia blu i është përgjigjur me këtë thirrje deklaratave të Partisë Socialiste, duke deklaruar se projekti për betonizimin e sipërfaqes U12-07 tek Liqeni artificial i Tiranës, është masakra e fundit urbane e kryebashkiakut Edi Rama, apo zotit 20 përqind sikundër njihet nga deputetët e pozitës kryetari i bashkisë.

Tiranë, 25 gusht, NOA – Partia Socialiste ka theksuar dhe një herë qëndrimin e saj për transparencën e zgjedhjeve. Pas deklaratave të kryeministrit Sali Berisha, në Konferencën e Ambasadorëve se qeveria është e gatshme të ofrojë konsensus për hetimin e zgjedhjeve duke respektuar ligjin, deputetja e PS-së Arta Dade deklaroi se në shtator duhet të nisë hetimi i materialeve zgjedhore.

“Partia Socialiste pret që me nisjen e punimeve të Kuvendit të fillojë hetimi parlamentar me hapjen e kutive të materialeve zgjedhore”, tha Dade.

Tiranë, 25 gusht, NOA – Partia Socialiste ka paraqitur sot fakte të reja për korrupsionin në lidhje me dhënin e konçensioneve. Deputeti i PS-së, Taulant Balla deklaroi para mediave se bashkëjetuesi i deputetes së Partisë Demokratike, Albana Vokshi, biznesemi Arjan Tartari është përfituesi i të gjitha konçensioneve që janë dhënë në lumin Kardhiq.

Balla pëmenti emrat e të gjitha kompanive që kanë marrë koncesionet duke theksuar se Tartari është përfituesi i tyre.

Tiranë, 25 gusht, NOA – Presidenti Bamir Topi ka kërkuar sot nga partitë politike që të zgjidhin krizën politike në vend. Në një prononcim dhënë për mediat pas takimit që ka zhvilluar në Konferencën e Ambasadorëve, Topi ka deklaruar se kreu i shtetit nuk ka asnjë hapësirë ligjore për të vepruar.

Presidenti ka theksuar se u takon partive politike që të ulen dhe të negociojnë duke qenë se janë më pak në numër në Kuvend, sesa partitë që kanë qenë më parë.

Tiranë, 25 gusht, NOA, Update – Presidenti i vendit, Bamir Topi, ka deklaruar sot në Konferencën e Ambasadorëve në Tiranë se anëtarësimi i vendit në Bashkimin Europian është një prej detyrave kryesore të diplomacisë. Ai ka ftuar gjithë përfaqësuesit e trupit diplomatik që ta shikojnë pozicionin e tyre në këtë funksion.

Ndërkohë që Topi ka theksuar se shqiptarët e meritojnë procesin e liberalizimit të vizave.

Tiranë, 24 gusht, NOA – Deputeti i Partisë Demokratike, Gert Bogdani i ka bërë thirrje Edi Ramës të mos fshihet, por të japë llogari për akuzat e ndërtuesve, të cilëve u merrte për çdo leje ndërtimi të dhënë mbi 20%, përmes sekserit të tij, të ashtuquajturit sipas demokratëve, Leprit të Ramës.

Deputeti Bogdani i ka kujtuar kryebashkiakut Rama akuzën e ndërtuesit Dodë Doçi, të adresuar ndaj kryebashkiakut pikërisht sepse ky i fundit i ka kërkuar 20% të vlerës për një leje ndërtimi, apo akuzën e Dine Frashëri, për detyrimin prej 20% për lejen e ndërtimit, si dhe akuzën më të fundit të deputetes demokrate Albana Vokshi me dokumente e prova  se  20% e kontratës së  vlerës së ndërtimit tek liqeni është detyruar të kalojë në emrin e Leprit të Ramës.

Tiranë, 24 gusht, NOA – Në vijim të përgjigjes së saj për akuzat mbi lejet e ndërtimit që PD ka ngritur kundër kryebashkiakut Edi Rama, Bashkia e Tiranës deklaroi se sot ka depozituar 6 kallëzime të tjera në prokurori dhe Gjykatë për shpifjet në adresë të kryetarit të saj.

Zëdhënësi i Bashkisë së Tiranës, Florion Serjani theksoi se bashkë me gjashtë kallëzimet e depozituara sot mbushen plot 40 raste shpifjesh ndaj Bashkisë së Tiranës, të denoncuara nga ajo, në pritje që të paditurit të paraqesin provat.

Tiranë, 24 gusht, NOA – Në një tjetër dalje publike për çështjen e ditës, aferat korruptive të deputetes demokrate Albana Vokshi, Partia Socialiste reagoi ndaj deklaratave të ministrit të Ekonomisë, duke i rikujtuar atij, se “për t’i shpëtuar kësaj historie korrupsioni dhe konflikti interesash duhet vetëm transparencë e të gjitha kontratave dhe koncesioneve të dhëna nga ai dhe paraardhësi i tij, zoti Genc Ruli, aktualisht ministër i Bujqësisë.

Zëdhënësja e selisë rozë, Armela Imeraj në një deklaratë të shkurtër për gazetarët theksoi se “përmes deklaratave të vetë të akuzuarve kuptuam se sa shpejt këta njerëz shesin njëri tjetrin”.

Tiranë, 24 gusht, NOA – Pas deklaratave të ministrit të Ekonomisë, Dritan Prifti se nuk ka asnjë shkelje ligjore në procedurat e dhënies me konçension për hidrocentrale, ka ardhur dhe reagimi i opozitës, duke i kujtuar ministrit pasurinë e deklaruar.

Deputetja Vasilika Hysi, ka deklaruar se firma që ka shitur ministri Priftit ka qenë me humbje dhe nuk justifikohet shitja për 1.8 milionë eurosh e aksioneve të saj. Për këtë qëllim Hysi ka kërkuar nga Drejtoria e Tatimeve që të pasqyrojë bilancin e kësaj kompanie.

Tiranë, 24 gusht, NOA – Ambasadorët e Shqipërisë në gjithë vendet e botës do të mblidhen nesër në Tiranë ku do të njihen me qëndrimet që duhet mbajnë në ta ardhmen dhe me analizën e punës së tyre gjatë kuaj kohe.

Burime nga Ministria e Jashtme thanë për Agjencinë NOA se tema kryesore e aktivitetit do të jetë analiza e hollësishme e aktivitetit të shërbimit të jashtëm shqiptar gjatë vitit të kaluar. Ndërsa pjesa e dytë e takimit do të ketë të bëjnë me sfidat me të cilat përballet diplomacia shqiptare aktualisht.

Tiranë, 23 gusht 2010 NOA – Kryeministri Sali Berisha tha sonte se mënyra më fatkeqe për të luftuar korrupsionin është të përpiqesh ta bësh atë me deklarata politike pa baza dhe vlerësoi se pikërisht këtë gabim po bën opozita.

Tiranë, 23 gusht, NOA – “Presionet e tua zoti Rama, nëpërmjet bashkëmëkatarëve të tu, nuk do më bëjnë mua të hesht”.

Protagonistja e akuzave të ditës nga selia rozë, për korrupsion dhe konflikt interesi në lidhje me koncesionet për HEC-e, ka reaguar sot pasdite në përgjigje të disa deklaratave të PS-së, duke deklaruar se “Jam këtu, për të garantuar edhe një here, se do t’ju faktoj shqiptarëve, të gjitha aferat korruptive të Edvin Kristaq Ramës dhe sekserëve të tij. Do ta bëj këtë, si një detyrim madhor për transparencë ndaj opinionit publik shqiptar”, theksoi deputetja Vokshi.

Petrelë, Tiranë, 23 gusht, NOA – Nga Kalaja e Petrelës, aty ku Mamica Kastrioti e motra e heroit tonë kombëtar Skënderbeut i bëri ballë sulmit të ushtrisë otomane, kryeministri Sali Berisha i bëri rishtas thirrje opozitës të heqë dorë nga nihilizmi dhe të shohë me sytë e të vërtetës arritjet e qeverisë shqiptare, të prekshme për çdo qytetar.

Shefi i qeverisë, i cili mbërriti pasdite në kalanë e Petrelës deklaroi se qeveria e tij ka investuar në ndërtimin e 6 mijë kilometrave rrugë në mbarë vendin, një arritje që bëri që këtë vit të rritej disa herë më shumë numri i turistëve që vizituan Shqipërinë, gjatë sezonit turistik.