Zelandë e Re, 9 mars, NOA - Mundësia për të punuar edhe në këmbë kur ke para një tavolinë nuk është plotësisht e pamundur. Dhe sipas një studimi të ri nga Zelanda e Re, sipas pozicioneve të ndryshme në këmbë gjatë punës ju mund të humbni 2 kilogram në peshë. Hulumtimi është kryer nga dr. Grant Schofield dhe kolegët e Universitetit të Teknologjisë në Ackland, i cili përdori tavolina speciale të rregullueshme në mënyrë që njerëzit të mund të punonin ulur, në këmbë ose shtrirë.

Melburn, 8 mars, NOA - Sipas një studimi australian të publikuar së fundmi, meshkujt kur përballen me një grua shumë të bukur me të vërtetë bëhen më të guximshëm dhe në mënyrë të pashmangshme rritin kështu rrezikun e incidenteve. Kjo pasi iu drejtohen  aventurave të jashtëzakonshme dhe të rrezikshme. Studimi u krye në një grup ekspertësh të raporteve në çift, dhe kanë gjetur sjellje më të guximshme nga të rinjtë nën sytë e vajzave të bukura.

Romë, 5 mars, NOA - Lajthitë e importuara nga Turqia mund të shkaktojnë probleme shëndetësore. Konfederata e fermerëve italianë ka kërkuar ndalimin e nivelit të lartë të alfatoksinës në frutat e thata, si dhe ndalimin në tregun italian të lajthive që vijnë nga Turqia e që përmbajnë nivele të larta të këtyre toksinave. Konfederata e Agrikulturws i ka bërë thirrje qeverisë për "një ndërhyrje urgjente për të kundërshtuar procesin e nisur tashmë nga Bashkimi Evropian për të modifikuar normativat aktuale komunitare, kryesisht nisur nga niveli i aflatoxinës në arrat dhe lajthitë. Aflatoxina toksike maksimale e lejuar në frutat e thata në Bashkimin Evropian, sipas Coldirettit, e vë në rrezik shëndetin e konsumatorit dhe dëmton fermerët për të siguruar cilësinë e prodhimit në Itali.

SH.B.A, 5 Mars NOA - Për të përcaktuar një dietë sa më të mirë dhe sa më efikase shërben të bëjmë testin e ADN. Ky test do të bëjë të mundur rënien nga pesha pa përdorimin e farmaceutikëve të shumtë të cilët përdoren pikërisht për këtë gjë.

Romë, 4 mars, NOA - Dhimbja kronike e kokës është një çrregullim për miliona njerëz dhe nëse keni më shumë se tre sulme të saj në një muaj dhe nuk e qetësojnë dot as ilaçet, ju duhet të kërkoni ndihmë nga mjeku. Sipas një studimi të fundit, 4% e popullsisë së botës vuan nga dhimbje koke çdo ditë. Vuajnë kryesisht gra, me një raport mesatar prej 4-1 në krahasim me burrat. Në disa raste, një grup dhimbje koke, dhimbja është aq e fortë sa krahasohet me atë të lindjes dhe dhimbjen e veshkave apo të barkut.

San Françisko, 3 mars, NOA – Pirja e rregullt dhe madje e shumtë e kafes, mund të mbrojë zemrën kundër dukurisë së aritmisë sepse ajo që ndjek këtë rregull, ka një rrezik më të ulët për të qenë i hospitalizuar nga trazirat e ritmit të zemrës. Rezultati ka dalë nga një studim epidemiologjik i kryer nga hulumtuesit amerikanë dhe pritet të prezantohet në konferencën vjetore të Asociacionit American Heart në San Françisko nga Arthur Klatsky.

Tiranë, 2 mars, NOA - Kryeministri Berisha drejtoi sot një mbledhje të grupit të punës mbi dixhitalizimin e sistemit shëndetësor. E përfshirë në kuadër të programit të qeverisë për “Shqipërinë Dixhitale”, gjatë saj u diskutua gjerësisht mbi informatizimin e të dhënave në shëndetësi dhe mbi nevojën dhe përparësinë e trajnimit dhe shkollimit përmes kurseve të posaçme të personelit mjekësor me praktikat e reja dixhitale.

Amsterdam, 1 mars, NOA - Një çokollatë pak e errët mund të ndryshojë fiziologjinë dhe metabolizmin, por sidomos tretjen tek zorrët. Por ajo ka aftësi shumë më të mira edhe në luftimin e ankthit dhe kurimin e depresionit. Një fakt të tillë e pohon një studim i fundit, i botuar në gazetën “Proteome Hulumtime”, i cili citon sesi 40 gram çokollatë e errët mund të ofrojë përfitime të mundshme shëndetësore në përgjithësi, sidomos në atë të zorrëve.

Angli, 28 Shkurt NOA - Një “helm” i vërtetë është ai i tymosjes së cigares pasi është bërë e ditur se ajo tashmë e ka çuar numrin e personave të cilët ndahen nga jeta si pasojë e saj një milion të tillë brenda një viti.

Një mesatare mjaft e frikshme kjo duke parë që në çdo 6 sekonda mund të vdesë një person në të gjithë botën dhe arsyeja e saj është pikërisht cigarja.

Breshia, Itali, 28 Shkurt NOA - Përdorim i celularëve rrezikon kancerin cerebral dhe mund ta paraqesë atë pas dhjetë vitesh. Ky ka qenë rezultati pas një studimi nga disa shkencëtarë në qytetin e Brescias.

Kjo gjë ka ardhur dhe si pasojë e një shembulli konkret në lidhje me përdorimin e celularit. Bëhet fjalë për një person i cili ishte drejtues në një ndërmarrje dhe gjatë kohës së punës ai kishte një përdorim të gjerë të celularit të tij.