Romë, 30
korrik 2010, NOA / Ira Kalaja – Nëse jeni duke vrapuar drejt plazhit dhe po kërkoni
në faqet e revistave dietën e duhur për ju, ja shtatë dietat më të mira dhe më të
përdorurat në stinën e verës:
1. Për një
dietë të pasur me proteina dhe yndyrë të ulët është Dieta Atkins, e cila
parashikon një reduktim të karbohidrateve në favor të proteinave, mundësisht me
origjinë bimore. Në këtë lloj diete ushqimore trupi merr energjinë që ka nevojë
duke pësuar një humbje graduale në peshë. Është mirë të dihet se në fillim
duhet të hani pak, por kjo varet dhe nga trupi që të përshtatet me ndryshimet në
dietë.
2. E veçantë
dhe novatore është Dieta e kilometrazhit zero, e quajtur kështu për shkak se
ajo bazohet në konsumin e ushqimeve të prodhuara në zonën ku jetoni (brenda
70 km), të freskëta dhe të blera direkt nga fermerët; produkte të mira dhe të shëndetshme
të lidhura me zonën ku jetoni, dhe pse jo dhe ato të traditave popullore.
3. Dieta vegjetariane bazuar te frutat, perimet, bishtajat, vezët dhe produktet e qumështit, me
mungesë të plotë të mishit dhe të peshkut. Kjo dietë duket se është një nga më
të shëndetshmet, pasi lë larg kolesterolin, sëmundjen e hipertensionit,
sëmundjet kardiovaskulare, diabetin, atë të gurëve të tëmthit dhe disa lloje sëmundjesh
tumorale.
Nga ana tjetër, ushqimi vegjetarian është i pasur me fibra dietetike dhe
antioksidantë. Sa për fibrat, shumë studime kanë treguar zvogëlimin e rrezikut
për zhvillimin e disa llojeve të sëmundjeve tumorale, ndërsa antioksidantët me
veprimet e tyre kundër radikalëve të lira, mund të parandalojnë shumë sëmundje
si dhe plakjen.
4. Dhe për ekstremistët është Dieta Vegana, e cila përfshin një zgjedhje edhe
më drastike sesa ushqimi vegjetarian, sepse janë hequr të gjitha ushqimet me
origjinë shtazore, duke përfshirë dhe vezët, qumështin dhe produktet e tij. Kjo
lloj dietë duke qenë mjaft e kufizuar duhet të jetë krejtësisht e ekuilibruar
dhe në mbikëqyrjen e dietologut. Kjo është për shkak se një dietë e tillë
ekspozon trupin ndaj disa mangësive të tilla si hekuri, zinku, vitamina A dhe D,
të dobishme për mirëqenien e trupin tonë.
5. Dieta fleksibël, kjo dietë bazohet në ushqimin vegjetarian: në
fruta, perime dhe bishtajave, por herë pas here lejohet ngrënia e mishit dhe
peshkut.
6. Kush preferon
filozofinë orientale të Ying dhe Yang - dy energjive të kundërta dhe plotësuese
që qeverisin universin, mund të ndjekë Dietën Makrobiotike bazuar në dy grupe
të kundërta, por plotësuese (grupi Yin dhe Yang). Sipas kësaj diete që nga
proceset e sofistikimit dhe të përpunimit të ushqimit në mënyrë të pashmangshme
ndryshon dhe bilanci i energjisë, ndaj dieta në fjalë përjashton çdo ushqim që i
nënshtrohet përpunimit industrial dhe bazohet në konsumin e drithërave,
bishtajave, frutave dhe perimeve si dhe të susamit, farave të kungullit e lulediellit.
Edhe erëzat dhe salcat duhet të jenë natyrore, ndaj pranohet vetëm kripë deti
integrale, salcë soje, vaj ulliri. Ajo gjithashtu eliminon sheqerin, ëmbëlsirat
dhe mjaltin, si dhe shmang qumështin, patatet, domatet dhe patëllxhanin;
preferon peshkun më shumë se mishin dhe zëvendësimin e kafes me çaj.
7. Dhe, e
fundit Dieta e ushqimeve të papërpunuara për ato që janë të bindur se ushqimi i
papërpunuar është më i shëndetshëm, sepse gatimi shkatërron substancat aktive të
tij. Ata që ndjekin këtë dietë, në fakt, shfrytëzojnë me bollëk elementët
antioksidantë që përmbajnë ushqimet. Vetëm ushqimet e pangrënshme mund të
gatuhen dhe të hahen, por: në sasi të vogla. Është mirë të dihet se ata që
zgjedhin këtë lloj diete, mund të konsumojnë sasi të vogla të peshkut dhe mishit,
natyrisht të papërpunuara.
Çdo kush bazuar në stilin e jetës dhe shijet e tij në ushqim zgjedh dietën që
do, po si gjithmonë, para fillimit të një diete për rënie nga pesha duhet të
konsultohet me mjekun, për të kuptuar nëse zgjedhja është dieta e duhur.
| Komente |
|
