Prej shumë vitesh një vajzë e re lufton me anoreksinë. Stephanie Rodas, 28 vjeçe lufton me këtë sëmundje që kur ishte 13 vjeçe dhe përgjatë kësaj periudhe ajo nuk ka bërë një jetë normale. Edhe pse është dërguar në klinika të shumta nga familja, nuk ia ka dalë që të kurojë sëmundjen.

Tani pas 7 muajsh po ndjen dhimbje të mëdha dhe mjekë të shumtë janë mbledhur së bashku për të bërë një serë testesh për zemrën, gjakun, e të tjerë, për  të zbuluar nëse anoreksia i ka dëmtuar organet. 

Në një dalje televizive, Stephanie Rodas shfaqet duke qarë dhe lutur për ndihmë që të kurohet nga kjo sëmundje që i ka shkatërruar jetën.

“Nuk mund të marr më shumë se 100 kalori në ditë dhe bëj 10 orë ushtrime. Kur isha 13 vjeçe, ndihesha e shëmuar. Isha në mbi peshë dhe fëmijët më tallnin, duke më thërritur trashaluqe. Ata më hidhnin ushqim tek dhoma e ngrënies”, thotë ajo. Gjithçka nisi nga këtu dhe 28-vjeçara nuk arriti që të kthehej në normalitet. Gjatë këtyre viteve, familja e saj me të cilën ajo ka qenë gjithmonë e afërt dhe e hapur filloi të shqetësohej për shëndetin e saj. 

Në moshën 17 vjeçe, ata e dërguan atë në një klinikë në New Jersey. Por në vend që ta kuronte atë, ajo ushqeu varësinë e saj ndaj sëmundjes duke bërë që ajo të shkëputej nga ajo qendër rehabilitimi dhe të kthehej në shtëpi.

Në muajin shkurt, motra e saj Janete e gjeti atë pa ndjenja në banesën e saj, pasi kishte marrë një sasi të panjohur të ilaçeve kundër dhimbjeve. Ajo u dërgua me urgjencë në spitalin lokal, ku mjekët thanë se nuk dukej aspak mirë.

Duke rikujtuar përvojën e keqe, Stephanie me lot në sy bën apel për ndihmë duke thënë se: “Duhet të ketë një mënyrë për të shëruar. Nuk është ushqimi, nuk është pamja, është më shumë se si ndihem dhe çfarë sjell kjo për mua. Unë kurrë nuk kam qenë në gjendje të ndjehen si unë”. /b.l/noa.al/