Të apasionuarit pas futbollit, mbrëmë përjetuan një natë magjike në përballjen mes Realit të Madridit dhe PSG-së.

Loja u karakterizua nga grinta dhe duele të ashpra, pasi të dy ekipet e donin me çdo kusht fitoren në këtë takim.

Në një moment, mbrojtësi i majtë i Realit, Marcelo u dëmtua në shpatull dhe u duk se ishte një dëmtim serioz për të.

I pari që shkoi, i shqetësuar për të parë gjendjen e tij, ishte braziliani Dani Alvesh, i cili luan për francesët e PSG-së.Një moment i shoqëruar edhe me këto dy foto, e që tregon respektin që lojtarët kanë në fushën e blertë.

Alvesh qëndroi pranë Marcelos deri në momentin që u sigurua se nuk kishte asgjë serioze për bashkëkombasin e tij.

Takimi u mbyll me fitoren e madrilenëve, me shifrat 3-1. /k.k/noa.al/