Policia e Tiranës doli me deklaratë për arrestimet e kryera për disa zurtarë publikë, të cilët kanë shpërdoruar detyrën, duke falsifikuar dokumente për disa prona në bregdet.
Lutfi Minxhozi, shef i Krimit Ekonomik, tha në një deklaratë për mediat, se në mesin e të akuzuarve është edhe kryetari i bashkisë së Rrogozhinës, Beqir Nuredini, ndaj të cilit është caktuar masa e sigurisë detyrim paraqitjeje.
Këta persona, në bashkëpunim me njëri-tjetrin, kanë falsifikuar dokumente dhe kanë tjetërsuar prona në bregdet.
Operacioni "Ranishtja2" ka çuar në pranga edhe 8 persona, duke e çuar në total në 23 numrin e zyrtarëve, ish-zyrtarëve dhe personave të tjerë të përfshirë në skenën masive të tjetërsimit të tokave në bregdetin e Spillesë.
Prokuroria e Kavajës ka kërkuar pranë Gjykatës së Shkallës së parë Kavajë, masën e sigurisë “Arrest në burg”, për zyrtarët e administratës shteterore.
– Asim Arkaxhiu, 44 vjeç, lindur në Kavajë dhe banues në Tiranë, ish drejtori i ZVRPP, Kavajë.
– Aldo Kila, 27 vjeç, lindur dhe banues në Kavajë, me detyrë Jurist në Z.V.R.P.P, Kavajë.
– Shpendi Dema, 31 vjeç, lindur në Kavajë dhe banues në Rrogozhinë, me detyrë Jurist në Bashkinë Rrogozhinë.
– Arben Daja, 51 vjeç, lindur dhe banues në Rrogozhinë, me detyrë Sekretar dhe Protokollist në Bashkinë Rrogozhin.
Për masën e sigurisë “Arrest shtepie”, për:
– Julian Zhelegu, 44 vjeç, lindur në Kavajë dhe banues në Tiranë, Noter pranë dhomës së Noterisë Tiranë.
U mor gjithashtu masa “Ndalim i daljes jashtë shtetit” dhe “Detyrim për tu paraqitur në policinë gjyqësore” për shtetasin Beqir Nuredini, lindur në Rrogozhinë dhe banues në Tiranë, me detyrë Kryetar i Bashkisë Rrogozhinë.
Për shtetasin me iniciale A.A. noter pranē Dhomës së Noterisë Durrës u mor masa “Pezullim i ushtrimit të një detyre a shërbimi publike”.
Gjykata dha masën “Detyrim për t’u paraqitur në policinë gjyqësore” për shtetasin me inciale A.K, me detyrë Inspektor i Mbrojtjes së Teritorit Vendorë, Bashkia Rrogozhinë.
Jane shpallur në kërkim dhe po punohet për kapjen e dy shtetasve të tjerë.
– A.T, me banim në Rrogozhinë, me detyrë Kryeinspektor i Mbrojtjes së Teritorit Vendorë, Bashkia Rrogozhinë.
– I.K., administrator i një subjekti privat.
Policia sqaron se të githë personat, në bashkëpunim me njëri-tjetrin, duke abuzuar me detyrën kanë falsifikuar dokumentet, duke bërë ndryshim e zërit kadastral për një siperfaqe prej 11.000 m2 tokë në vijën bregdetare Spille Kavajë dhe në fshatrat përreth, duke e tjetërsuar nga “Tokë pa frut” në tokë “Arë”.
Po ashtu po vijojnë hetimet për të parë raste të tjera abuzimi nga ana e zyrtarëve të lartë. /k.k/noa.al/