Shërbimet e Policisë të Komisariatit Kavajë, në vijim të punës për kapjen e personave që qarkullojnë me armë kanë arrestuar në flagrancë një person, i cili mbante armë zjarri pa leje të organeve kompetente.

Në pranga është vënë Hajrulla Gjekaj, 52 vjeç, i cili ishte pasagjer dhe po udhëtonte me makinën e tipit Peugeot me shofer N.M., 53 vjeç, të dy banues në Shkodër.

Gjatë kontrollit Gjekajt i është gjetur dhe sekuestruar në cilësinë e provës materiale, një armë e tipit “Zastava”, 12 cop fishek dhe një silenciator.

Këto materiale i kaluan Prokurorisë së Rrethit Kavajë për veprime të mëtejshme për veprën penale “ Prodhimi dhe mbajtja pa leje e armëve luftarake dhe e municionit”. /b.l/noa.al/