Një gjykatë ka dënuar përjetë një ish-ushtar, i cili pasi kishte vrarë një person, bëri foto selfie.
Ai e dhunoi barbarisht deri në vdekje, saqë policia kujtoi se e kishin vrarë qentë që mbante në shtëpi.
Kur po jepte dënimin me burg të përjetshëm për Alexander Palmer, gjyqtari e përshkroi sulmin e 24-vjeçarit si dhunë të "egër dhe brutale" ndaj të moshuarit 83-vjeçar, Peter Wrighton.
Dënimi u dha nga gjykata e "Nottingham Crown", të enjten, pas një gjyqi tetëditor.
U desh një juri prej katër burrash dhe tetë grave të cilët për 44 minuta shpallën fajtor ish-ushtarin.
Gjykata dëgjoi se Palmer pati probleme të shëndetit mendor pasi u sulmua nga ushtarët e tjerë një natë në Plymouth në vitin 2013.
Trupi i Wrighton u zbulua më 5 gusht 2017 në një zonë të largët në East Harling, me qentë e tij Gemma dhe Dylan aty pranë.
Policia fillimisht mendoi se 83-vjeçari ishte vrarë nga një kafshë për shkak të natyrës së tërbuar të plagëve të tij, por shpejt ndryshoi teorinë e tyre pas autopsisë.
Asnjë lidhje nuk është bërë midis vrasësit dhe viktimës së tij.
Një telefonues i tha policisë se, gjatë marrjes së trajtimit të shëndetit mendor, Palmer kishte folur për zërat që i thonin atij të dëmtonte njerëzit, sidomos ata që kishin qen. /k.k/noa.al/