“Daily Mail” ka sjellë historinë e një nëne shqiptare, e cila u depërtua nga Shtetet e Bashkuara pas 18 vitesh qëndrimi atje.
Ajo rrëfen me dhembje se si i është dashur që të ndahet nga tre fëmijët e saj të mitur. Bëhet fjalë për Cile Precetaj, që ka bërë një jetë të rregullt për vitet që qëndroi në Shtetet e Bashkuara.
Shqiptarja ndihmonte në menaxhimin një restoranti në Michigan së bashku me bashkëshortin e saj.
Autoritetet e emigrimit në SHBA vendosën që ajo duhet të largohej pasi i kishte ezauruar të gjitha të drejtat e saj për kërkuar qëndrimin në SHBA dhe i ishin refuzuar.
Gjatë intervistës, ajo ka zbuluar një detaj interesant të vajzës së saj, e cila po i shkruan Zonjës së Parë, Melanie Trump, duke i kërkuar ndihmë.
“Jam ende në gjendje shoku dhe nuk mund ta besoj që më kanë sjellë në vendin që e lashë ku kisha frikë të jetoja. Fëmijët e mi janë me milje larg dhe unë nuk e di nëse do t’i shoh ndonjëherë sërish. Si mundet që një vend të ndajë nënën nga fëmijët e saj? Si mundet ta bëjnë këtë?
Gruaja e Presidentit Trump, Melanie ishte një emigrante në një vend të ndërtuar nga emigrantët. Përse ata ia bëjnë këtë një nëne që e dashuron atë vend dhe nuk ka bërë asgjë të gabuar? Shkova në SHBA për një jetë më të mirë”, ka thënë gruaja.
Ndër të tjera, mes lotësh, gruaja thotë se qan pa pushim dhe
nu ka gjumë.
“Fle vetëm 2 orë çdo natë. Zgjohem dhe mendoj për fëmijët dhe se si ata ndihen. Nuk jam ndarë kurrë prej tyre. As edhe një ditë të vetme. Ja ku jam tani mijëra milje larg tyre. Jeta ime dhe e fëmijëve të mi u kthye përmbys”, shprehet e emocionuar.
“Daily Mail” ka ardhur deri në Gradec, një fshat të Shkodrës që mban rreth 3 orë me makinë nga Tirana. Ajo u rikthye në fshatin ku u rrit pa pasur mundësi të përshëndesë bashkëshortin e saj Pete Gojcaj dhe 3 fëmijët: 16-vjeçarin Marash, 10-vjeçaren Megan dhe 8-vjeçarin Martin. /k.k/noa.al/
