Është arrestuar në Kosovë Albert Veliu, i njohur si “Babalja”.
Ai ishte shpallur në kërkim nga autoritetet shqiptare me akuzën e dëshmisë së rremë në rastin e audio-përgjimin për vëllain e ministrit të Brendshëm.
Sipas mediave në Kosovë, Veliu u vu në pranga sot në Prishtinë. I njohur si “Babalja”, Albert Veliu është arrestuar në qendrën e azilit në Prishtinë dhe u dërgua në paraburgim.
Ai është personazhi kryesor i kësaj historie, ku prokuroria thotë se nga hetimet ka rezultuar se ai ka dhënë dëshmi të rreme.
Sipas organit të akuzës, nuk është e vërtetë që “Babalja” ka folur me vëllain e Agron Xhafajt.
Hetimet nxorrën në pah se Albert Veliu i ka thënë kunatit të tij, Fredi Alizotit që të bëjë zërin e Agron Xhafës.
Politika shqiptare, prej muajsh “zien” nga akuzat dhe deklaratat e ashpra për këtë ngjarje, që dita-ditës po merr drejtime të ndryshme. /k.k/noa.al/