Transmetuar më 13-01-2019, 13:04
Ndërhyrja e Forcave Ajrore ka shpëtuar 15 persona të bllokuar në zonat malore të Thethit dhe Shalës, në Shkodër.
Ministria e Mbrojtjes thotë se Forca Ajrore përmes ekuipazhit të Cougar evakuoi 15 persona në fshatrat Thesh e Shalë, të izoluar nga dëbora.
Mes tyre janë edhe dy të sëmurë, problematika e të cilëve u konstatua pak minuta përpara nisjes se helikopterit nga Farka.
15 personat, përfshirë edhe disa mësues u dërguan në Shkodër.
Moti i keq ka përfshirë vendin prej disa ditësh, duke shkaktuar vështirësi në disa zona të vendit. /a.y/noa.al