Pas ndarjes nga jeta të Nexhmies, ish-gruas së diktatorit, një reagim vjen edhe nga Rezarta Shkurta, bashkëshortja e nipit të Enver Hoxhës.
Në një postim në Instagram, Rezarta shkruan se pati fatin të njihte “një zonjë, histori”, ndërsa thotë se Nexhmia ishte një grua shekullore nga mosha, fuqija dhe dija e saj. Rezarta Shkurta vlerëson te gjyshja e bashkëshortit të saj përpikmërinë, aq sa në fund shkruan se Nexhmia iku pasi kishte zbatuar planin siç kishte bërë gjithmonë.
"Pata fatin të njohë një zonjë, “Histori”. Një gjyshe e stërgjyshe të dashur. Një grua shekullore për nga mosha, fuqija dhe dija e saj. Një grua luftarake deri në fund. Kujtimet dhe përshtypjet e para që kam për Nexhmije Hoxhën ishte përpikmëria. Oraret e sakta pa lëvizur sekondi, në zgjimin, vaktet, takimet apo kur ulej të shkruante kujtimet e saj.
Për mua aso kohe por edhe sot ishte edhe është e pabesueshme se si një njeri për aq vite me aë përpikëmëri të organizaonte jetën e saj. Më pas pata fatin të isha fotografja personale. Ndërkohë që e fotografoja këtë zonjë 99 vjeçare, pasi me kish cituar me përpikmëri se si e dëshironte foton, apo korigjonte në mënyrë të detajuar në këndet fotografike, kuptoja se ajo rastësisht kjo zonjë kish bërë histori.
Një nga planet e saj ishte të realizonte librin e saj të fundit “Përjetime dhe meditime në jetën time politike”, e më pas e qeshur shoshte mund të iki nga kjo botë. Dhe ashtu bëri kjo zonjë e mahnitshme, e zbatoi planin siç kish bërë gjithë jetën e saj. E fortë, e kthjellët me një memorie të jashtëzakonshme, sot nuk u zgjua nga pushimi i pasdites, por la pas dashurinë dhe një trashëgimi historike. U prehsh në paqe nëna Mija!"/b.l/noa.al/