Media shtetërore e Koresë së Veriut publikoi pamjet e një ekspozite ushtarake që kishte për qëllim t’u tregonte armiqve se ushtarët e saj kanë "grushta të çelikta" për të mbrojtur vendin.

Video që shihni më poshtë, tregon udhëheqësin totalitar  Kim Jong Un duke buzëqeshur ndërsa ushtarët me uniformë kryejnë. demonstrime të ndryshme të arteve marciale.

Këto manifestime kanë përfshirë thyerjen e tullave me duar të zhveshura, thyerjen e pllakave të betonit në barkun e ushtarëve pa rroba me një çek dhe madje edhe thyerjen e tullave në kokë.

Kim tha se ai synonte të ndërtonte një ushtri "të pathyeshme" për t’iu kundërvënë "forcave armiqësore" nga SHBA.

"Kohët e fundit, Shtetet e Bashkuara kanë dërguar shpesh sinjale se nuk janë armiqësore ndaj shtetit tonë, por sjelljet e tij nuk na japin asnjë arsye pse ne duhet të besojmë në to," tha ai në një fjalim pas ekspozitës, sipas mediave shtetërore Agjencia Qendrore Koreane e Lajmeve (KCNA).

"Shtetet e Bashkuara janë ende duke krijuar tension rajonal me gjykimin dhe veprimet e tyre të gabuara," shtoi ai.

This demonstration at the Defence Development Exhibition was bit intense. Video broadcast today on North Korean TV. pic.twitter.com/zehpI6EAEd

— Martyn Williams (@martyn_williams) October 12, 2021

Koreja e Veriut kohët e fundit ka kryer disa teste raketore me qëllim që "të garantojë me siguri sigurinë e shtetit tonë".

Zyrtarët në Korenë e Jugut dhe Shtetet e Bashkuara kanë vazhduar të monitorojnë testet. /noa.al