Shumë fansa të Sin Boy janë mërzitur prej ditësh pasi në profile të ndryshme në Instagram u shfaqën postime që pretendonin se reperi kishte vdekur.

Një bashkëpunëtor i afërt i jep fund thrillerit rreth vdekjes së tij, duke folur në emisionin ‘Hello’ në TV grek Skai, raporton noa.al.

Për më tepër, një video që gjeni më poshtë, e sjell këngëtarin duke shëtitur në Paris.

Gjithçka nisi pak ditë më parë, kur në rrjetet sociale qarkulloi një foto e Sin Boy-t në një autoambulancë dhe një raport që pretendonte se reperi ka vdekur në një spital në Kosovë.

“Për fat të keq thashethemet janë të vërteta por mediat po sabotojnë Sin Boy edhe në këto momente. Ai nuk është larguar sepse do të jetojë përgjithmonë përmes muzikës së tij. 1994- Përgjithmonë. #sination”, thuhet në faqen e Instagramit të reper-it.

Sigurisht që në rrjetet sociale nuk ishin të paktë ata që mendojnë se është thjesht një marifet publicitar për projektin e tij të radhës muzikor. Por plot të tjerë e besuan.

Një bashkëpunëtor i ngushtë i Sin Boy thotë se i jep fund trilerit rreth vdekjes së tij dhe tregon për emisionin:

“Për shkak se ka shumë konfuzion mes fansave të Sin Boy, dua t’ju bëj të ditur se ai është gjallë. E gjithë kjo çështje me vdekjen e tij të supozuar është nisur nga ai për arsye publiciteti, në mënyrë që të bëjë bujë rreth punës së tij”.

Kur në rrjet dolën këtë raportime që sugjeronin vdekjen e këngëtarit, noa.al kërkoi informacion për të zbardhur të vërtetën.

Noa iu drejtua me një kërkesë motrës së këngëtarit por nuk mori përgjigje. Ndërsa në një komunikim që redaksia pati me menaxherin e Rina Balaj, ai tha se çifti ishte ndarë dhe nuk kishin informacion të saktë.

Noa.al iu drejtua dhe Policisë së Kosovës e cila në një përgjigje me shkrim tha se nuk ishte institucion në gjendje të jepte një përgjigje. /noa.al

Sin Boy ka vdekur? Publikimet që sjellin dyshimin për reperin e famshëm shqiptar