Tiranë- Plas grushti në ndeshjen Tirana-Bylis. Gjithçka ndodhi në fund të takimit.

Pas përfundimit të sfidës me shifrat 2-2, ku bardheblutë lanë kreun e renditjes, tifozët kanë hyrë në fushë për të sulmuar gjyqtarin Kridens Meta.

Të parët ishin lojtarët dhe stafi i bardhebluve që rrethuan gjyqtarin Meta, i cili akuzohej nga ata për një penallti që akordoi në favor të Bylisit, nga e cila erdhi barazimi i shifrave.

Më pas, ishin tifozët e tensionuar të cilët hynë në fushë të shumtë në numër, duke rrethuar gjyqtarin dhe duke tentuar të godasin atë dhe vijërojtësit. Policia dhe forcat e sigurisë, ia dolën pas disa çastesh kaosi të shoqëronin në dhomat e zhveshjeve gjyqtarët e sfidës.

Me barazimin e Tiranës, bardheblutë renditen në venin e dytë me pikë të barabarta me Partizanin kryesues, teksa ka mbetur dhe një ndeshje për t’u luajtur.