Elizabeth Francis, e cila ka festuar së fundmi 114-vjetorin e saj të lindjes, thotë se sekreti i jetëgjatësisë është të hash gjithçka. Francis, lindi në vitin 1909 dhe ka bërë histori duke qenë gruaja më e vjetër në historinë e Teksasit. Megjithëse në moshë shumë të thyer, ajo është ende vitale dhe po aq e zgjuar sa ishte në vitet e rinisë. “Unë jam shumë, shumë e re. Më shiko, unë jam si një zog, e vogël, e vogël”,-tha ajo për stacionin ABC.

E moshuara tha gjithashtu se ajo preferon të kultivojë fruta dhe perime dhe gatuan në shtëpi në vend që të hajë ushqim të shpejtë. Më shumë se 90 000 njerëz që jetojnë aktualisht në Shtetet e Bashkuara sot janë mbi 100-vjeç, më shumë se dyfishi i asaj që ishte rreth 20 vjet më parë.