Këtë bimë duhet ta keni gjithmonë në këndin e barnave e shtëpisë tuaj, sepse sipas ekspertëve është jashtëzakonisht efektive kur bëhet fjalë për kushte të caktuara. Të hash fara kopre është një nga mënyrat më të lehta për të humbur kilogramët e tepërt

Kopra, njihet gjithashtu si Anetum graveolens dhe është një bimë nga familja e karotave, e njohur edhe si kopër i egër.

Në rajonin tonë, nuk është aq popullor sa në Lindje ose, për shembull, në Mesdhe. Megjithatë shqiptarët prej shumë vitesh e përdorin shumë koprën e njomë, e më pak atë të thatë.

Ndërsa në Mesdhe konsumohet jo vetëm i freskët, por edhe në formën e një erëze të përftuar nga bluarja e farave.

Kopra vlerësohet shumë sepse përmban minerale dhe antioksidantë të shumtë që mbrojnë trupin nga sëmundjet, veçanërisht ato të shkaktuara nga stresi oksidativ, duke përfshirë diabetin dhe obezitetin.

Po ashtu kopra rrit aftësinë e trupit për të absorbuar vitaminat dhe mineralet, gjë që është veçanërisht e rëndësishme për forcimin e imunitetit.

Farat e koprës kanë gjithashtu një efekt antiseptik, kështu që ato mund të përtypen për të freskuar frymëmarrjen.

Meqenëse farat e koprës përmbajnë shumë fibra, përmirësojnë dhe lehtësojnë tretjen, dhe fibrat në të njëjtën kohë japin një ndjenjë ngopjeje, e cila parandalon ngrënien e tepërt dhe rrjedhimisht marrjen e kalorive të panevojshme. Është një nga mënyrat më të lehta për të humbur kilogramët e tepërt. Përveç fibrave, vajrat esencialë që përmbahen në kopër, frenojnë oreksin.

Duke qenë se përmbajnë fibra, farat e koprës na ndihmojnë të mbajmë një metabolizëm të shëndetshëm dhe ndihmojnë trupin të largojë më lehtë toksinat nga trupi. Gjithashtu nxit nxjerrjen e ujit të tepërt nga trupi.

Si përdoren farat e koprës?

Hidhni një lugë çaji fara në një gotë me ujë të ngrohtë. Lëreni të ziejë për 5 minuta dhe kullojeni. Nëse dëshironi, mund të shtoni limon. Pini këtë pije në mëngjes, veçanërisht nëse keni probleme me kapsllëkun. Farat mund të shtohen dhe në pjatat tuaja, kanë një shije pak të ëmbël dhe aromatike, dhe më së miri shkojnë me perimet dhe orizin.

Një çaj që nxit humbjen e peshës

30 g lule yarrow, 30 g kantronë 30 g fara kopër

Përziejini të gjitha barishtet. Tre lugë gjelle nga përzierja hidhni në gjysmë litër ujë të vluar dhe lëreni të ziejë për 10 minuta. Lëreni të ftohet, më pas kullojeni dhe konsumojeni tri herë në ditë.

Vetitë kurative që vlejnë

Të dyja, farat dhe gjethet e koprës janë një burim i ushqyesve të ndryshëm që shquhen për të pasur veti antioksiduese.

Antioksidantët që gjejmë janë:

Terpenoide ose izoprenoide: ata arrijnë të luftojnë disa gjendje të trurit, mëlçisë, zemrës dhe veshkave.

Flavonoide: Ato janë një seri metabolitësh dytësorë që lidhen me zvogëlimin e shfaqjes së sëmundjeve të zemrës, goditjeve në tru dhe kancereve të caktuara, prandaj rekomandohet që të kemi shëndet më të mirë për trurin tonë.

Taninë: Këto janë përbërje fenolike që, sipas provave shkencore, kanë efekte antioksiduese dhe antimikrobike.

Vitaminë C: vitamina C është një burim i shkëlqyeshëm i antioksidantëve.

Duhet të kujtojmë se përveç kësaj, antioksidantët na lejojnë të mbrojmë qelizat tona nga dëmtimet e shkaktuara nga radikalet e lira/noa.al