BRITANI- John Tinniswood britaniku 111-vjeçar i cili është njeriu më i vjetër në botë thotë se jetëgjatësia është thjesht një fat. I pyetur për ndonjë sekret të veçantë për dietën e tij Tinniswood shprehet se nuk ka një të tillë megjithëse sqaron se ushqimi i tij i preferuar është peshku.

Tinniswood, i cili ka qenë në pension për më shumë se gjysmë shekulli mori i titullin e rekordeve botërore Guinness nga venezueliani Juan Vicente Perez Mora, 114 vjeç, vdekja e të cilit u njoftua në fillim të kësaj jave.

I lindur në vitin 1912 në Merseyside, Anglia veriore, kontabilist në pension dhe ish-punonjës i shërbimit postar Tinniswood ka jetuar 111 vite e 222 ditë. Burri më i vjetër në botë ishte japonezi Jiroemon Kimura, i cili jetoi 116 vjet e 54 ditë. Gruaja më e vjetër është Maria Branyas Morera e cila është 117 vjeç dhe jeton në Spanjë.