Cristiano Ronaldo ka fituar arbitrazhin kundër Juventusit për çështjen e pagave. Kampioni portugez po i kërkonte klubit bardhezi 19.5 milionë euro borxhe të ngrira për shkak të pandemisë Covid-19.

Trupi gjykues, i cili vendosi për këtë çështje, përbëhej nga Gianroberto Villa, Roberto Sacchi dhe Leandro Cantamessa. Ekipi i avokatëve që mbrojtën çështjen e Ronaldos përbëhej nga Emanuele Guastalla, John Shehata dhe Fabio Iudica, ky i fundit avokat dhe profesor i së drejtës sportive në Universitetin Bicocca të Milanos.

Kolegji i Arbitrazhit vendosi pranimin e kërkesës së formuluar nga Cristiano Ronaldo Dos Santos Aveiro, të cilit Juventusi duhet t’i paguajë shumën prej 9.774.166.66 euro, me rivlerësimin e kamatëvonesa ditore dhe ligjore nga kërkesa për tepricën e shumës së rivlerësuar vjetore.

Pra, CR7 e fitoi çështjen civile kundër Juventusit, por gjykata njohu neglizhencën kontribuuese midis palëve. Ditët e fundit, bardhezinjtë kanë treguar siguri dhe besim për vendimet e Kolegjit të Arbitrazhit. Në vend të kësaj, dje pati një surprizë, me Panelin e Arbitrazhit që përmbysi atë që pritej nga palët.

Ky është njoftimi për shtyp i klubit bardhezi: "Juventus Football Club S.p.A. duke iu referuar procedurave të arbitrazhit të nisur nga ish-lojtari ynë Cristiano Ronaldo dos Santos Aveiro kundër klubit, njofton se Paneli i Arbitrazhit mori vendimin mbi mosmarrëveshjet mes palëve.

Klubi, edhe me mbështetjen e avokatëve, është duke shqyrtuar vendimin e Kolegjit të Arbitrazhit, duke rezervuar çdo vlerësim dhe iniciativë për mbrojtjen e të drejtave të veta. Për informacion mbi procedurat e arbitrazhit të nisura nga ish-lojtari ynë, ju lutemi referojuni Raportit Vjetor Financiar të datës 30 qershor 2023, i disponueshëm në faqen tonë të internetit".